រដ្ឋមន្រ្តី ភឿង សកុណា អញ្ជើញទំនាក់ទំនងការងារ ជាមួយបណ្តាគណៈប្រតិភូប្រទេសផ្សេងៗ ក្នុងកិច្ចប្រជុំមហាសន្និបាតលើកទី៤៣ អង្គការយូណេស្កូ

(ភ្នំពេញ)៖ ក្នុងឱកាសដឹកនាំគណៈប្រតិភូកម្ពុជា ចូលរួមកិច្ចប្រជុំមហាសន្និបាតលើកទី៤៣ អង្គការយូណេស្កូ នាថ្ងៃទី១ ខែវិច្ឆិកា ឆ្នាំ២០២៥ លោកស្រីបណ្ឌិតសភាចារ្យ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ ប្រធានគណៈប្រតិភូកម្ពុជា បានអញ្ជើញទំនាក់ទំនងការងារ ជាមួយលោក Khondker M. Talha ឯកអគ្គរដ្ឋទូត ប្រតិភូអចិន្ត្រៃយ៍ នៃប្រទេសបង់ក្លាដេស ប្រចាំអង្គការយូណេស្កូ ជាប្រធានអង្គមហាសន្និបាតលើកទី៤៣ ព្រមទាំងបណ្តាគណៈប្រតិភូផ្សេងៗទៀត ដើម្បីបង្កើនកិច្ចសហប្រតិបត្តិការ លើវិស័យវប្បធម៌ និងជំរុញការគាំទ្ររវាងគ្នាទៅវិញទៅមក៕